Hasiera batean, txartel horiek bezero txartela aurkeztu behar diren garraio tituluak erosteko balio izango dute, hau da, Gazte tituluan, Hileko tituluan eta Urteko tituluan. Txartel berri horiek EuskoTreneko geltokietan eta Bezeroaren Arretarako Bulegoetan (BAB-an) erosi ahal izango dira. Gerora, beste tituluetara zabalduko da eta konpainiako edozein MEAT-en erosi ahal izango da bidaitxartela.

Txartel berri hori erosi nahi duten familia ugarikoak diren EuskoTreneko bezeroek, daukaten txartela ekarri beharko dute. Halaber, Aldundiko eta Eusko Jaurlaritzako familia ugariaren egoera frogatzen duen jatorrizko egiaztagiria aurkeztu beharko dute, gehi horren fotokopia bat. Egiaztagiriaren fotokopia konpultsatua ere onartuko da.

Bezero berriek EuskoTrenek BBK-n edo Kutxan daukan kontu korrontean 3 euroko diru-sartzearen egiaztagiria, argazki bat, N.A.N.-aren fotokopia, pasaportea edo dokumentu baliokidea aurkeztu beharko dute. Dokumentu horiek guztiak EuskoTreneko edozein Bezeroaren Arretarako Bulegoetan edo geltokietan aurkeztu beharko dira. Behin txartelak eginda, 4 eguneko epean geltokietara bidaliko dira.
Argibide gehiago nahi izanez gero, Bezeroen Arretarako Bulegoetan, ohiko geltokian edo 902 543 210 telefono zenbakian.